ကဗျာအတိုအစ
#နေမျိုး
သူသိတာတစ်ခု ကျွန်တော်သိတာတစ်ခု
ပေါင်းလိုက်တော့ မသိခြင်းတစ်ခု ဖြစ်သွားတယ်။
သူ့ငိုသံတစ်၀က် ကျွန်တော့်ငိုသံတစ်၀က်
ပေါင်းလိုက်တော့ ရယ်သံအသစ်စက်စက် ဖြစ်သွားတယ်။
သူ့ပိုက်ဆံတချို့ ကျွန်တော့်ပိုက်ဆံတချို့
ပေါင်းလိုက်တော့ အဝေးက မြို့လေးတစ်မြို့။
သူ့အိပ်ခန်းတစ်ခန်း ကျွန်တော့်အိပ်ခန်းတစ်ခန်း
ပေါင်းလိုက်တော့ ဘ၀၏ဇာတ်လမ်းတစ်ပုဒ်ပေါ့။
Comments
Post a Comment