လှောင်အိမ်
စိတ်ကို ပန်းချီကားထဲ ထည့်ထားတာပါ။
စိတ်က လွမ်းနေတော့
အရောင်တွေလည်း လွမ်းတာပေါ့။
စိတ်က မှိုင်းနေတော့
အရောင်တွေလည်း မှိုင်းတာပေါ့။
စိတ်က ဆွေးနေတော့
အရောင်တွေလည်း ဆွေးတာပေါ့။
စိတ်က အုံ့နေတော့
အရောင်တွေလည်း အုံ့တာပေါ့။
စိတ်က နာနေတော့
အရောင်တွေလည်း နာတာပေါ့။
စိတ်က ငိုနေတော့
အရောင်တွေလည်း ငိုတာပေါ့။
စိတ်က လွင့်နေတော့
အရောင်တွေလည်း လွင့်တာပေါ့။
စိတ်ကို ပန်းချီကားထဲ ထည့်ထားခဲ့တာပါ။
ဒါပေမဲ့
စိတ်က ပန်းချီကားထဲက ထွက်ပြေးသွားတယ်လေ။
နောင်ဆိုရင်
အရောင်တွေကို
လှောင်ပိတ်ထားလို့ရမှာ မဟုတ်တော့ပါဘူး။
---------------------------------------------------
၂၀၀၇၊ ဖေဖော်ဝါရီလထုတ်၊ ရတီမဂ္ဂဇင်း။
Comments
Post a Comment