ဖြစ်ရလေ
မောင်ကြီးနှမ ခိုင်သဇင်
ဘယ်ဆီများလဲ ဟင်။
ခေါင်းမှာရွက်လို့ ရေအိုးတင်
ရေခပ်သွားမယ်ရှင်....။
ရေအိုးထမ်းလို့ လိုက်ခဲ့ချင်
လိုက်ရမလား ဟင်။
မောင်ကြီးသဘော အတိုင်းပင်
လိုက်ချင် လိုက်ပေါ့ရှင်.....။
မောင်ကြီးမေတ္တာပန်းကိုဆင်
လက်ထပ်မလား ဟင်။
မောင်ကြီးသဘောအတိုင်းပင်
နာယူပါ့မယ်ရှင်......။
နှမလေးရဲ့ မွေးဖခင်
ဘာလုပ်စားလဲ ဟင်။
ထွန်ထယ်ရုန်းလို့ လယ်ကွင်းပြင်
လယ်လုပ်စားတယ် ရှင်......။
မောင်ကြီးနှမ ခိုင်သဇင်
ပစ္စည်းရှိလားဟင်။
နှမလေးရဲ့ အဆင်းပင်
ပစ္စည်းပါပဲရှင်......။
သည်လိုဖြင့်လဲ ခိုင်သဇင်
မယူနိုင်ဘူးထင်။
ယူပါလို့များ ပျိုလေးခင်
ပြောဖူးလို့လား ရှင်.......။ ။
Comments
Post a Comment